කොමන් සෙන්ස්,!!!

ඔෆිස් ඇරිලා එනගමන් සාන්ත මල්ලිගේ ෂොප් එක පැත්තට ගියේ මගෙ යාළු කමටත් වඩා පවුලගේ කථාවක් මතක් වෙලා, 'ඔයාට යාලුවෙක්ට කෝල් එකක් දෙන්ඩ මතක් වෙන්නේ මොකක්හරි උදවුවක් ඕනෙ උනාම විතරයි', ඕකමේමට විතරක් වලංගු ප්‍රකාශයක් නොවේය, අනික් උනුත් ඔයවගේමය කියල කියන්ඩ කටට ආවත් ''බිරිද සැමියාගේ දේවියාය, කස්ටෝමර් ඊස් ද කිං'' ඔඋවා මෙවුවා මතක් උන නිසා පාදයක් පසුපසටගෙන ආරක්සා කාරීව පන්දුව නිදැල්ලේ යාමට ඉඩහරියා,

කිරිකට් ගැන ලියන කොට මගේ පාසල් කාලෙ ක්‍රිකට් ගහපු ඒවා මතක් වෙනවා,ගමෙන් පිට කොහෙහරි මැච් එකකට ගියොත්  හැමදාම මම ඕපනින් බැට්මන්, ලකුණු හය හතකට වඩා නොගන්න මට මුං මොකද ඕපනින් දුන්නේ කියල මම අපේ කැප්ටන් ගෙන් දවසක් ඇහුවා

මු කියපි ‘’උබ බෝල වලට ලෑල්ල දදා ඉද්දි අපිට බොලස්ල ගැන අයිඩියා එකක් ගන්ඩ පුළුවන් ඒක නිසයි උබයි, දීග ජන්තුවවයි මුලින් යවන්නේ කියල'' විලිලජ්ජාවේ බෑ.

කොහොම හරි එදා සාන්තය හම්බුනේ නෑ, ඒත් ගාමන්ට් එකේ වැඩකරන රණය මාව දැකල කෑගහගෙන ළගට ආව,--- මහත්තය දැක්ක කල්.

‘’ඉතින් කොහොමද රනේ’’ ඒ මම. රනේ කියන්නේ අපේ ඔපිස් එකේ හිටපු කාකාස, ඒත් මාසේ අවසන් සතියේ ආර්ථිකය රිම් එකෙන් යනකොට රනේ තමයි අපිට අත දුන්නේ, ඒකෙත් රස රහසක් තිබුණ,

ඔන්න අපි රණයට කථාකරනවා ''රණේ පඩිගත්තම දෙනකන් රුපියල් 500ක් දියන්කෝ''

රණය ඔළුව කසකස කියනවා ''500ක් නම් මම ළග නැ, කැන්ටිමේ මුදලාලිගෙන් ඉල්ලලා දෙන්නම්'' කියල

රබර් අක්කර එක හමාරකුයි තේ අක්කරයකුයි තියෙන රනයගේ කථා බොරු කියල හැමෝම දන්නවා,

ඒත් තේ වෙලාවට මෙන්න - - - මහත්තය මම කැන්ටිමේ මුදලාලිගෙන් සල්ලි ඉල්ලාගෙන ආව කියල කාටත් හොරෙන් දෙනකොට රණය දෙවිකෙනෙක් වගේ අපිට පේන්නේ.

''යමුද රෙස්ටුරන්ට් එක පැත්තේ'' රණය අහනවා,

අපි රෙස්ටුරන්ට් යන්නේ චයිනීස් කන්ඩ නෙවයි, රයිස් කනවනම් පොල් අතු චයිනීස් තමයි අපේ තේරීම.

ඉබ්බා දියට දාන්ඩ හදන කොට ඇන්නාවේ කිවුවලු,

''යමං වැස්සකුත් එන්ඩ වගේ'' මම ගමන  ඉක්මන් කරා

කොනක මේසයකට සෙට්වෙලා ඩෙවල් එක එනකම් මම බ්යර් එක තොලගාන ගමන් රනයගේ කථාවලට කන්දීගෙන හිටිය,

උරිස්සට වැදිච්ච පාරට මගේ කටට හොද පදයක් කියවෙන්ඩ ආවත් තවම වෙරි වෙලා නැති නිසාත් වැදගත්කම සබ්යත්වය ආත්ම සංයමය, ඔය එකී මෙකි නොකී සෑම දෙයක් නිසාම මොකාද මේ කියල හැරිලා බැලුවා ,

අම්මට හුඩු හොරා පොලිස්

ට්‍රැපික් සාජන් කාරයයි උගේ ඇම්බැට්ටය ගම්බට්ටයි වැටෙන්ඩ ගහලා

කොහොමද සාජන් මහත්තය (නොදකින් ගල් ඉබ්බා)

අද සරුයි වගේ ( අහිංසකයෙක් මරාගෙන කන්ඩ ඇති)

අපිට කවදත් සරුයි, මොනවාද බං මේ පිස්සො කරන්නේ

ජල්තර අයවැයක් ගෙනල්ල, හොරු අල්ලන නීති වලින් අපිට කරකවල අරින්ඩ හදන්නේ

මොකක්ද බං මේ රටට වෙන්නේ ( යහපාලනේ හරකො )

අනේ මන්ද සාජන් මහත්තය අපිටත් මුකුත් හිතා ගන්ඩ බැ (හැමෝටම කෙලවෙයි වගේ මෙහෙම යනකොට)

රණය උල් පන්දම් දෙනවා.

බලහංකො  හරි අසාදාරනයක්නේ කරලා තියෙන්නේ?

පිස්සුද රාළහාමි මමනම් ජිවිතේට අසාදාරන වැඩ කරලා නැ

යකෝ අසාදාරනයක් කරා කියල මාව හිරේ දායි ද?

මම හිතනවා.

බලනවකො ඕයි දැන් අපිට වැරදි කාරයෙකුට පාරක් ගහන්ඩත් බැ

ඒවටත් මේ මිනිස්සු නඩු දානවනේ

ඒක තමා ගහන්නේ නැතුව හොරු වැරදි කලා කියල පිළිගනිද? රණයත් බටර් ගානවා,

අන්න ඒකනේ තමුසෙලාට  තේරෙනවනේ අපිට වෙලා තියන අසාදාරණේ

මොකද නැත්තේ අපිට තේරෙනවා, (මදැයි නිදහසේ බ්යර් එකක් බොන්ඩ ආව.)

අපිට දැන් මේ රස්සාව එපාවෙලා තියෙන්නේ,

ගම්බට්ටත් තමන්ගේ දුක කියන්ඩ පටන් ගත්තා

ලොක්කන්ට කඩේ ගියාට,ලොක්කන්ගේ ළමයි ඉස්කෝලේ අරන් ගියාට

අපිත් හොද නම්බුකාර රස්සාවක් කරන්නේ

මොකද තමුසේ කියන්නේ?

කොස්සා අහනවා,

නැතුව නැතුව මොනවා කියනවද රාළහාමි

දැන් බලන්ඩ අපේ ටැක් ටික්ස් බොහොම නවිනයි, කෙලින්ම ඇමෙරිකාවේ සිඅයිඒ වෙබ් එකෙන් ඩවුන් ලෝඩ් කරන්නේ,

හැම වෙලාවකම අපරාද කරන්නේ කලින් අපරාද කරපු මිනිස්සුමයි, ආයේ දෙකක් නැ කුඩු කාරයෙක්, රස්තියාදු කාරයෙක් ගෙනිහින් තේ එකක් මාළු පාන් එකක් දුන්නම විස්තර කියන්නේ ගිරව් වගේ,

මහත්තයා අහල ඇතිනේ අර කැලෙන් අල්ලගත්තු වළහා පිළිගත්තනේ එයා තමයි හාව කියලා

අර කොන්ඩයාගේ කථාව කටුගෙයි කඩු උස්සපු කේස් කොහොමද? අපි ඒවා නියමෙට සෙටල් කරා.(මොනවට කියනවද ඒවා)

කොහොමද අපේ කීර්තිය නත්තල් වගේ දසත පැතිරෙනවා,

 අර ට්වී එකේ යන සොයමීට් ඇඩ් එකත් මරුනේ සාජන් මහත්තය

ලංකාවේ පොලිසිය ගැන නොදන්නා එකෙක්ට කියල දෙන්ඩ පෙන්නන්ඩ නියමයි නේ,

දඩ මස් කියල සෝයා මිට් වලට රැවටෙන එක, රණය වෙරිමරගාතෙ කියවනවා,

කට වහපිය  හු#*$@*@$$*පුතා  

යකෝ කොස්සන්ටත් කොමන් සෙන්ස් තියෙනවනේ මට නිකන් හිතුනා!!.  

රට පෙරට???

මාර රජ සේනාව හුදී ජනයා ප්‍රතික්ෂේප කළහ,
උතුරේද දකුණේද සැබැ වෙනසක් සදහා පිබිදීමක් ඇතිවිය, 
බියෙන් සැකයෙන් තොරව තම අදහස් ප්‍රකාසකිරීමට පුළුවන් වාතාවරණයක් රටේ ඇතිවිය,
ගෑස් හා තවත් භාණ්ඩ බොහෝ ගණනක මිල අඩුවිය,
පොහොර සදහා වූ බදූ අයින් කිරීමට යෝජනාවී ඇත,
මන්තිරි තුමන්ලාගේ හා පැයකට හාරපන්දාහක් සමහරු ඊටත් වඩා මුදල් උපයන 
දොස්තර මහත්වරු වර්ජනයට එලබී සිටී,

සමාජයම වෙනස් කිරීමට දගලන උගත් බුද්දිමත් මහත්වරුන්
මෙයට වඩා රට ජාතිය ගැන සිතිය යුතුයි නේද?
මේ නොකියා කියන්නේ රටට හෙණ ගැහුවත් අපිට කමක් නැත,
අපිට අපේ අයිතිවාසිකම් ඕනෙ කියා නොවේද?
නිදහස් අද්යාපනයේ වරප්ප්‍රසාද ලබා 
මහජන මුදලින් වෙදදුරන්වී මහජනයාටම මෙසේ කොකාපෙන්විමනම් 
රටේම කෙදවාචකයකි. 

නොදන්නා කමට

මම මේ නොදන්නා කමට අහන්නේ එතකොට තුර්කියට විතරද උඩින් යන ප්ලේන් වලට ගහන්ඩ පුළුවන්?

ගිණි ගන්න ප්ලේන්එකෙන් පනින බටයෙක්ට වෙඩි තියන්ඩ නීතියක් තියනවද?

මේවට මානවහිමිකම් ලොක්කෝ මොකද සද්ද නැත්තේ?

ප්ලේන්එක රුසියාවේ නිසාද?

අපි ගැහුවොත් ඔබා අංකල් කෝල් කරලා ෂා මරු තව අවොත් තව ගහපියව් මමත් සපෝට් කියල අපේ ප්‍රසිඩන්ට කියයිද?

අපි කොහේ පයිටර් ජෙට් එකක් වට්ට්න්නද? හා නැද්ද හා

අච්චර පොඩි කුරුම්බැට්ටියටත්, පොල් ගහක් විතර උසකින් ආවත් අපේ අයට ගහගන්ඩ බැරි උනානේ හා නැද්ද හා?

ඒකට බයවෙලා ඒසී දාපු ජිම් තියන සුපිරි බංකර් හැදුවලු පව් නේ,හා නැද්ද හා?

පුටින් මාමේ ඔහොමයන් අපි ඔබ සමගයි,

හා නැද්ද හා?!!!

අද්දීයාපන ඇමති අංකල් වෙතයි,

අද්දීයාපන  ඇමති අංකල් වෙතයි,

අංකල්ලා අපි ගැන හිතන එක ගැන අපි සතුටු වෙමු. අපිටත් වඩා අපේ ටීචර්ලා ගැන හිතීම ගොඩක් හොදයි, මොකද එයාලා අපිට උගන්වන නිසාය, අපේ නිල ඇදුම් වලට රෙදි නොදී සල්ලි දෙනවා කියා 12 වසරේ අයියෙක් වෑන් එකේදී කියනවා ඇසුණි.ඒ අය්යලත් බොහොම හැපියෙන් කිව්වේ ඒ සල්ලි ලැබුණාම කරන දේවල්ය, ඒක මෙතැන ලියන්ඩ බැරිය, නිල් පිලිම් තිබුන ලැප් එක අයිති අයියා ඉස්සුවා වගේ අපිවත් උස්සන්නට බැරි නැත. කොටදෙණියාව පොලිසිය විතරක් නොව හැම පොලිසියක්ම නීතිය අකුරටම පුංචි අපිට ක්‍රියාත්මක කරයි.

අපේ ටීච පන්තියේදී පෝන් එකෙන් කථා කරන්නේ නැත. අපි 40 -45 ආම් බාන් කරන්ඩයි, පාඩම් කියා දෙන්ඩයි ගියාම පෝන් එකෙන් කථා කරකර ඉන්ඩ වෙලාවක් නැත. හැබයි පින්සිපල් නම් පොන් එකේ එල්ලිලාම ඉන්නවාය,පින්සිපොල්ලාගේ පොන් තහනම් කොරා නම් හොදය.

 ටිචගේ බුරිය පේනවාද, නැද්ද කියා අපිනම් බලන්නේ නැත. එහෙම බලනවානම් බලනවා ඇත්තේ ලොකු පන්තිවල අයියලා අක්කලා ය. තවද පින්සිපොලුත් බලනවා ඇතිය. පාරේ ඉන්න රස්තියදුකාරයොත් බලනවා ඇතිය,

අපිට චූ කක්කා දාන්ඩ ලැට් නැත, ඒවා කැඩිලාය, ටිචලාගේ එකත් ඒවගේමය, වතුරත් නැත, අපේ ඉස්කෝලේ එන වැන් එකේ දොර ගලවෙනවාය, දවසක අපේ නංගියෙක් මල්ලියෙක් දොරත් කඩාගෙන පාරට පත බෑවිය හැකිය,

ඉස්කෝලවල අඩුපාඩු හදා දෙන්නේ නැතුව වැඩකට නැති නීති දාන මේ ඇමතිලට පිස්සු කියා අපේ තාත්තා අම්මාට කියනවා ඇසුණි.

අවේන්ගාර්ඩ්, රට සංවර්දනයට වියක්රුති හැදීම,ඒවා ගෝලයන්ට බාරදීම, කොමිස් නියම ආකාරයෙන් ලැබේදැයි බැලීම මෙකි නොකී දහසක් වැඩ රාජකාරි ඇති ඇමති තුමන්ලාට පිස්සු නොහැදී තිබුනොත් පුදුමයකි.

ඔබතුමාට ඉක්මනින්ම සුව වේවායි පාර්ථනා කරමි,

80 දසකයේ ළමයි

ඒ අසූව දසකයේ මුල් භාගයයි. එවක මා බාලාංශ පන්තියේ ඉගෙනුම ලබමින් සිටියෙමි. 
කොස්ගහ යට සෙවණේ සිටින අම්මා  පාසලේ  කන්ද මුදුනේම  ගොඩනැගිල්ලේ සිට පහල බලන මට 

පැහැදිලිව පෙනේ.තුෂාරගේ අම්මා ද හදුනා ගැනීමට පහසුය, අන් අයට වඩා තරමක් උස ඇය අව්වට කුඩයක්ද ඉහලාගෙන සිටි. පාසල අවසන් වීමට ඇත්තේ තවත් විනාඩි කිහිපයකි, “බුදු සරණ වේවා” කියමින්ම මම ඇය දෙස බලමි. පන්ති කාමරයේදී සිදුවූ දැ සිතින් පෙළ ගස්වන මා මගේ අවශ්‍යතාවයන් අනුව මුලින් කීමට ඇතිදැ  සිතා ගනිමි.

ගාථා කීමෙන් පසුව වේගයෙන් කෙටිබිත්තියේ ඇති දොරින් දිවයන අප කන්ද පහලට ඇති  පඩිපෙළ බසිනවා නොව පඩි දෙක තුන උඩින් පනිමින් අම්මලා වෙත දිව යන්නෙමු.

ඉස්සෙල්ලම බැග් එක අම්මගේ අතට දෙනවා, ලොකු නඩුවක් තියේනම් කියල දානවා, මොකද ගුටිකාපු ඒකා හරි මට ගහපු එකා හරි සෙට් එකම ඉන්නේ ඔතනමනේ. අනික උන්ගේ අම්මලත් එතනම ඉන්න නිසා නඩුව මුලින්ම කියලා මම නිවැරදිකරු බවට මගේම කටින් සාක්කිත් දීල නඩුවේ වාසිය මගේ පැත්තට හරවා ගන්නවා. මෙතන වින්දිතය මමනම් ගේ ළගදී පිටට ගසා ගෙදර දිවීම, මෙහෙම කරන්නේ අම්මල ළග නැත්නම්,ඒ කියන්නේ අපේ අම්ම තරම් වේගයෙන් අනික් අම්මල ඇවිදින්නේ නෑ.අපේ අම්ම හයියෙන් යන්නේ මල්ලි ගෙදර නිදිකරලා ගේ වහල ආවහම.  ඉස්සරත් දැන් වගේ තමයි ඕපාදුප කයිවාරු ගොඩයි, ළමයි අම්මලට ඉස්සරවෙලා වේගයෙන් එනවා,හැබැයි වැස්සට පාරේ වතුර එකතුවෙලා තිබුනොත් ඒවා තලන නිසා එතකොටනම් අම්මලාට වඩා අපි පහු වෙනවා. ඉස්සර දැන්වගේ වාහන නැතිනිසා ළමයි ඉස්සර වෙලා එන එක ගැන අම්මලාට ගැටළුවක් උනේ නෑ

ඔය එන අතරේ පාසලේ දවසේ සිදුවීම්,උගන්වපු දේවල් ගැන කියන්ඩත් අමතක කරන්නේ නෑ.ඊලග දවසට ගෙනියන්ඩ දෙයක් (දැන් වගේ හැමදාම ගෙදරින් හදාගෙන එන්ඩ දේවල් තිබුනේ නැ )මදටිය ඇට,සියබලා ඇට,දියසායම් වගේ විසේස දෙයක් කිඋවොත් ඒවත් කියලා අම්මව පොරොන්දු කරගන්නවා හෙට ඉස්කෝලේ ගෙනියන්ඩ ඒවා හොයල දෙන බවට....එහෙම නැත්නම් මුලින්  නහයෙන් ඇඩීම පස්සේ හරිගියේ නැත්නම් බිම පෙරලි හෝ අම්මාගේ ඇගේ එල්ලී ඇඩීම දක්වා වැඩිවෙනවා. මහපාරේදී අම්මා අපිට ගහන්නේ නැතිබව දන්නා නිසා මෙහෙම කරන්ඩ ඇති කියලා දැන් හිතෙනවා.

    අපි අනික් ළමයින්ට කලින්  ආවොත් මහපාර අයිනෙම තියෙන චිනි අයියලාගේ  සියබලා ගහ යටටත් ගිහින් සියබලා වැටිලද කියලත් බලනවා. එත් ඒ ගහ යට තිබ්බේ පුදුම ගුප්ත කළුවරක්.
දැන්නම් අම්මලාට වදයක් නැත. පාසල් වෑන් ගම් නගර පුරා දක්නට ලැබේ. එහෙත් එදවස අපවිදී සතුට දැන් දරුවන් ලබනවදෝ යැයි නොසිතමි. පාසැලෙන් ටිව්සන් පංතියටත් ගොස් රෑ බෝවී ගෙදරවිත් හෝම් වර්ක් කිරීමෙන් පසු සෙල්ලම් කිරීමට කාලයක් කොයින්ද? 

මළමිනී බැටන් ප්‍රහාර,ලේ අවශ්‍ය කරතිබේ

එක්දහස් නමසිය බර ගණන් වල සිට අපි අනුන්ගේ පදයට නටන්නෙමු. ඉදිරියටත් එසේමය.ඔව්හූ අපිට තේ කෝප්පයේ කිබුලන් පෙන්වුහ. අපිද හම්මෝ යි කෑ ගසා අපිම කපාගෙන ඔවුන්ගේ ඇදුම් ඇඳ ගතිමු. එය ඇමරිකන් නව අදිරජ්‍යවාදය හෝ ඉන්දියන් ව්‍යාප්ත වාදය හෝ දුප්පත් පොහොසත් භේදය වියහැක.

සමහරක් හෑන්ඩ් පොනයේ සිට ගෙවල් කුලී දරුවන්ගේ පිටරට පාසැල් බිල් පවා ගෙවන්නේ මා ඉහත සදහන් කළ කරුණු ලුණු ඇබුල් දමා මහ ජනයා ඉදිරියේ කියා පැමෙනි.

තවත් පිකටින් නාටකයක් ජයග්‍රාහී ලෙස නිමාවිය. මෙහි නියම ජයග්‍රාහකයෝ කව්රුද?????

බැටන් පොලු පහරකා රෝහල් ගතවූ සිසුන්ද? වැටි වැටී දුවන සිසුන්ට පහරදුන් පොලිස් මාමලාද?

වර්තමාන යහපාලනයද ???

නැත සියළු ඉල්ලීම් දෙනබවට පොරොන්දුවී තිබියදී සිසුන් මහමග පිකට් කිරීමට සැලසු JVP බළල් හස්තය නොහොත් අන්තරයයි. මොඋනට අවශ්‍ය උපාදියට සම තැනවත් වෙනකිසිවක් නොවේ සැමදා පාරට බැස පොලිසේය හෝ හමුදාව ලවා සිසුවෙකු හෝ කිහිපදෙනෙක් මරා, මෙන්න මර්දනය කරනවෝ අහිංසක සිසුන් මරනවෝ කියා තම බඩවියත රැකගැනීමය.

කෙසේ වෙතත් මෙහි   අවසානයක් නම් දැකීමට හැකිනොවේ. එයත් සංසාර චක්කරය වගේය ආරම්බයක් මෙන්ම අවසානයක්ද නොමැත. එක් අයෙකු සත්‍ය වටහා ගන්නාවිට තව දහයක් මෙම විප්ලවවාදීන්ගේ ඔඩොක්කුවට කැමැත්තෙන් හෝ අකමැත්තෙන් වැටෙති.අනාගතයේදී තවතවත් විජේවිරලා ප්‍රබාකරන්ලා බිහිවිය හැක.

මළමිනී බැටන් ප්‍රහාර,ලේ අවශ්‍ය කරතිබේ, නැත්නම් අපේ ෆෝන් බිල්,ගෙවල් කුලී, මේකප් වලට ගෙවන්නේ තොපේ අම්මලාද? වැරදුනා අපේ අම්මලාද?!!!.

ආදරණීය පැට්‍රිෂියා

මහ රැ

මූසල අන්ධකාරයේ  

බලාපොරොත්තු නැති විදිහට

නුබ ඇවිත්

කාලගුණෙත්  කිවුවලු

ඇස් නොපෙනෙන මගේ

හියරින් ඒඩ්ස් වැඩ කරන්නැ

ගියමාසේ ඉදලා

කුදලාගෙන පලයන් මාවත්

අපායට

ඒක මට සැපයි

ආදරණීය පැට්‍රිෂියා !!!